Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, në ambientet e Radios-Kosova e Lirë, në Prishtinë, në mënyrë tashmë tradicionale u shënua 25-vjetori i fillimit të transmetimit të programit të Radios dhe fillimi i shpërndarjes së lajmeve nga Agjencia Kosovapress. Vizitorët, edhe pse në një ambient të ngushtë, u priten me dashamirësi e respekt prej orës 10.00 deri në orën 16.00. Me këtë rast atyre u është dhuruar ndari i Radios i vitit 2024 dhe nga një libër. Për shkak të rrethanave objektive në të cilat ndodhet Radioja, nuk kishte arritur që këtë përvjetor jubilar ta shënojë për publikun e gjerë në ambiente të tjera të përshtatshme, sikur në vjetorin e vitit 2019 e disa të tjerë pra tij. Dëgjuesit tanë shokë, miq e dashamirë, na kanë mirëkuptuar edhe kësaj radhe si çdoherë. Ata kanë shprehur mbështetje të sinqertë për stafin e Radios dhe të TV-Diellit. Edhe pse nuk ishte i pranishëm, drejtori i Radi0s-Kosova e lirë, Ahmet Qeriqi, në emër të stafit i ka përshëndetur të gjithë vizitorët, bashkëpunëtorët e dëgjuesit, për mbështetjen dhe respektin që kanë gëzuar e gëzojnë për zërin e lirisë së Kosovës, zë i cili ka vazhduar dhe po e vazhdon traditën me shpalosjen për çdo ditë të vlerave tona kombëtare. Mirënjohje, dashamirësi, mirëbesim e mirëkuptim, për të gjithë, ka shkruar me këtë rast drejtori, Ahmet Qeriqi.
