Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në fshatin Polac të Drenicës bëhet inagurimi i Qendrës Monumentale “ Hasan Prishtina” , në kujtim të njërit prej personaliteteve më të njohura dhe më të shquara të Lëvizjes Kombëtare, Shiptare. Hasan Prishtina lindi në vitin 1873 në Vushtrri, por familja e tij kishte origjinë nga fshati Polac i Drenicës. Ai së bashku me Bajram Currin, Isa Boletinin, Elez Isufin, Hoxhë Kadri Prishtinën e atdhetarë të tjerë, mori përsipër organizimin e kryengritjes në Kosovë, kundër forcave pushtuese serbe, si dhe kundër forcave turke që cilat nuk pranonin Pavarësinë e Shqipërisë. Kryengritja e Hasan Prishtinë në Kosovë, Maqedoni e më gjerë u kurorëzua me shpalljen e pavarësisë së Shqipërisë. Në vitin 1913 Ismail Qemali ia besoi detyrën e Ministrit të Qeverisë Kombëtare të Vlorës. Pas rrëzimit të Qeverisë Demokratike të Nolit më dhjetor 1924 dhe marrjen e pushtetit nga Ahmet Zogu me ndihmën e ushtarëve serbë, Hasan Prishtina largohet nga Shqipëria, por nuk e pushon aktivitetin e tij në rrëzimin e Qeverisë antishqiptare të Satrapit Zog, i cili kishte bërë sa e sa herë përpjekje për ta likuiduar dhe më në fund arriti, që përmes dorës së mercenarit, Ibrahim Çela, ta vrasë më 13 gusht 1933, në Selanik, ku asokohe ishte duke jetuar.
