Komisioni hetimor për shkarkimin e kryetarit të Shqipërisë, Ilir Meta do të zhvillojë sot mbledhjen e parë. Sipas agjendës së publikuar në faqen e Kuvendit bëhet e ditur se komisioni do të mblidhet në orën 13:00 ku në rend të ditës është konstituimi i Komisionit Hetimor të Kuvendit, deklarimi i qëllimit të ngritjes së Komisionit, zgjedhja e sekretarit të Komisionit Hetimor si dhe caktimi i relatorëve për hartimin e projekt rregullores së Komisionit dhe të planit paraprak të hetimit.Kuvendi i Shqipërisë, gjatë seancës të së hënës, miratoi me 101 vota pro dhe 6 kundër ngritjen e komisionit hetimor parlamentar për shkarkimin e presidentit Ilir Meta, me argumentin se ka shkelur rëndë Kushtetutën, me dekretin për anulimin e zgjedhjeve të 30 qershorit.
Kontrolloni gjithashtu
Asambleja Parlamentare e Këshillit të Evropës mbështet anëtarësimin e Kosovës në radhët e veta
Asambleja Parlamentare e Këshillit të Evropës me 131 vota për, 29 kundër dhe 11 abstenime …