leoni

Sot shënohet 21-vjetori i Çlirimit të Prishtinës, në përkujtim të kësaj date me rëndësi për luftën e UÇK-së dhe çlirimin e vendit

Sot shënohet 21-vjetori i Çlirimit të Prishtinës, në përkujtim të kësaj date me rëndësi për luftën e UÇK-së dhe çlirimin e vendit

Sot në  21-vjetorin e  çlirimit të Prishtinës, në nderim dhe përkujtim të  kësaj date me rëndësi për luftën e UÇK-së dhe çlirimin e vendit, do të mbahen një varg aktivitetesh tematike e kulturore. Fillimisht kryetari i Kosovës, Hashim Thaçi, ka bërë  homazhe te shtatorja e heroit të kombit, Zahir Pajaziti. Pastaj, gjatë ditës do të bëhet vizita te Varrezat e Dëshmorëve. Në Orën 12.00 do të bëhet parakalimi i Orkestrës Frymore të FSK-së, në sheshin ‘Nëna Terezë’, në kryeqytet. Në orën 15:00 do të prezantohet brendi i platformës informuese turistike të Prishtinës. Kjo datë shënon hyrjen e forcave të UÇK-së të Zonës Operative të Llapit, në Prishtinë, me qëllim për mbrojtjen e popullatës nga masakrat që kishin filluar të kryenin serbët gjatë fillimit të tërheqjes nga Kosova pas nënshkrimit  të marrëveshjes së kapitullimit në Kumanovë, më 9 qershor të vitit 1999 dhe ditës kur NATO-ja kishte ndërprerë bombardimin mbi caqet serbe. Të përkujtojmë me këtë rast se forcat guerile në UÇK-së kishin vepruar në kryeqytet gjatë tërë kohës, ndërsa në muajin qershor kishin intensifikuar veprimet luftarake duke sulmuar në prita patrullat serbe.

Kontrolloni gjithashtu

Paris Guri reagon pas zgjedhjes së Dimal Bashës kryetar të kuvendit, gjeneratat e ardhshme do të na gjykojnë

Deputeti i LDK-së, Paris Guri, ka reaguar pas zgjedhjes së Dimal Bashës si kryetar i …