Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Subjektet opozitare në vazhdimësi po deklarohen se janë duke punuar për rrëzimin e qeverisë “Haradinaj”. Por edhe pse koalicioni qeverisës tash e një kohë nuk e ka shumicën në Kuvend, as partitë opozitare nuk e kanë fuqinë e nevojshme për rrëzimin e kësaj Qeverie. Megjithatë opozitarët thonë se janë duke punuar në këtë drejtim. Tri subjektet opozitare, Lidhja Demokratike e Kosovës, Lëvizja Vetëvendosje dhe Partia Socialdemokrate, në vazhdimësi po deklarohen se janë duke punuar për rrëzimin e qeverisë “Haradinaj”. Por që të tria janë të pafuqishme në këtë mision, pasi së bashku kanë 58 vota në Kuvend, ndërkohë që për rrëzimin e Qeverisë përmes mocionit në Kuvend duhen së paku 61 vota. Sido që të jetë, opozitarët thonë se nuk do të ndalen së kërkuari rrugën për rrëzimin e kësaj Qeverie, madje thonë se do ta intensifikojnë bashkëpunimin për arritjen e këtij qëllimi.
