Takimi i deputetëve Ademi dhe Milloshoski me kolegët e tyre nga Republika e Çekisë

07/02/2023 Njoftime

Takimi i deputetëve Ademi dhe Milloshoski me kolegët e tyre nga Republika e
Çekisë

Kryetarët e komisioneve për Punë të Jashtme dhe për Çështje Evropiane në Kuvendin e Republikës së Maqedonisë së Veriut, Antonijo Milloshoski dhe Arbër Ademi, sot kanë realizuar takim të përbashkët me deputetët nga Republika e Çekisë, Marek Zhenishek, kryetar i Komisionit për Punë të Jashtme dhe Ondrzhej Beneshik, kryetar i Komisionit për Çështje Evropiane.
Në takim u bisedua për bashkëpunimin tradicionalisht të mirë ndërmjet Republikës së Maqedonisë së Veriut dhe Republikës së Çekisë, si mbështetëse e zgjerimit të BE-së me vendet e Ballkanit Perëndimor dhe procesit të eurointegrimeve të vendit tonë.
Në të njëjtën kohë, u shpreh shpresa për përfundimin e skriningut deri në fund të këtij viti dhe për rrjedhën e suksesshme të negociatave të Maqedonisë së Veriut për anëtarësimin e plotë në BE, si dhe për tejkalimin e pengesave, pas disa vitesh pritje vendi të kalojë në këtë fazë të fundit të procesit të integrimit në BE.
Bashkëbiseduesit iu referuan veçanërisht zhvillimeve në Ukrainë, duke theksuar mbështetjen dhe ndihmën nga Maqedonia e Veriut dhe dënimin e agresionit rus.
7.02.2023

Kontrolloni gjithashtu

Shoqata “Kosova për Sanxhakun” e njofton opinionin publik dhe institucionet relevante për një rast të ndjeshëm kulturor dhe kombëtar që ilustron gjendjen e shqiptarëve autoktonë në Sanxhakun e Pazarit të Ri. Rrafshnalta e Peshterit, një trevë e rëndësishme në Sanxhak, me mbi 95 për qind të popullsisë myslimane me prejardhje shqiptare, u okupua nga Serbia dhe Mali i Zi në vitin 1912. Në më shumë se 200 vendbanime të kësaj zone, edhe sot në disa fshatra dëgjohet gjuha shqipe, e cila ka mbijetuar, pavarësisht mohimit të identitetit kombëtar dhe të drejtës për vetëdeklarim. Një rast i tillë është ky i fshatit Ugëll (Ugao), në kufi me Malin e Zi, ku banorët na kanë dërguar fotografi të të dy epitafeve të shkruara në gjuhën shqipe për Fatë Aliçkaj (1910–1966), e lindur në Jezgroviq të komunës së Tutinit dhe e vendosur në Ugëll. Epitafet janë përgatitur për të shënuar varrin e saj në varrezat e fshatit Ugëll, por për arsye ende të paqarta nuk janë vendosur kurrë. Dyshohet se për shkak të tekstit të epitafit në gjuhën shqipe, familjarët nuk kanë pasur guximin t’i vendosin ato. Kjo po ndodh pavarësisht faktit se në kohën e vdekjes së saj, gjuha shqipe flitej nga të gjithë banorët e zonës. Në emër të Kryesisë së Shoqatës “Kosova për Sanxhakun”, i drejtohemi Ministrisë për Evropë e Punë të Jashtme të Republikës së Shqipërisë, respektivisht Ambasadës së Republikës së Shqiptare në Beograd, që ta vizitojnë këtë fshat dhe të njihen nga afër me gjendjen e të drejtave të shqiptarëve në Sanxhak. Shoqata jonë ka nënshkruar Memorandum Bashkëpunimi me Këshillin Kombëtar Boshnjak (BNV), përmes së cilës ka status participues e konsultativ në këtë institucion dhe vepron në Sanxhak. Rasti i epitafeve është vetëm një nga qindra shembuj të diskriminimit që pengon zhvillimin e jetës normale në këtë krahinë të banuar me shqiptarë autoktonë. Ismet Azizi Kryetar i Shoqatës “Kosova për Sanxhakun”

“Kosova për Sanxhakun”: Rasti i epitafit në gjuhën shqipe në fshatin Ugëll të Peshterit në Sanxhak

Shoqata “Kosova për Sanxhakun” e njofton opinionin publik dhe institucionet relevante për një rast të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara