Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përshëndetje, z. Alush Stojku!
E lexova shkrimin tuaj dhe më vjen mirë, që keni shkruar për Brigadën e XVIII-të Sulmuese, që përveç partive të djathta edhe ndonjë historianë e mohojnë apo e etiketojnë ndryshe, që pushtuesit nazifashistë i vlerësojnë si kalimtarë dhe që kishin ardhur per t’na sjellë kulturë. Ç’ironi!!! Për t’na sjellë “kulturë” me armë e të armatosur, me tanke e avionë, që bombardonin, ku u vranë gjatë LANÇ 28 mijë djem e vajza, duke flijuar jetën për çlirimin e mëmëdheut.
Duhet shkruar realisht per LANÇ, sipas dokumenteve arkivore të AQSH e kujtimeve të veteranëve dhe dokumenteve të të huajve dhe të evitohen e pastrohen nga subjektivizmat e glorifikimet e padrejta, nga mohimet e degradimet dhe përvetësim të luftës së dëshmorëve, siç kanë bërë disa veteranë të Dibrës, që banonin në Tirane ndaj luftës e sakrificave të dëshmorit Ahmet Cami. (AQSH, fondi i KQ të PPSH).
1. Me sa di, komandant i Brigades se XVIII-të Sulmuese që në fillim ka qenë Petrit Dume, që nuk përmendej pas dënimit e pushkatimit të tij e të dy gjeneralëve të tjerë, Beqir Balluku e Hito Çako.
2. Brigada e XVIII-të S. ka luftuar edhe për çlirimin e Shqipërisë përtej kufirit deri tek molla e kuqe për çlirimin e Sanxhakut të Nishit, siç fola në përshëndetjen time në ceremoninë e 23 gushtit të këtij viti 2025.
2. Ahmet Cami e jo Cani është vrarë në tetor të vitit 1943, dmth, para krijimit të Brigades së XVIII-të S. Në Brigadën e XVIII-të është inkuadruar edhe çeta “Ahmet Cami” si pjesë e Batalionit Partizan të Dibrës.
Duhet të ndahen emrat e dëshmorëve të rënë para formimit të Brigadës nga ata që kanë rënë dëshmorë si pjesëmarrës të Brigadës. Si pjesëmarrës të Brigadës ka qenë Mahmut Dalip Cami, që ndodhet në varrezat e Dëshmorëve në Peshkopi.
Ndërsa para krijimit të Brigadës janë vrarë këto Came për dy aksione që kish bërë çeta në fund të marsit dhe me 2-3 prill 1941 per armatosjen e çetës (Fondi i MPB në vitin 1941), si dhe më vonë si luftëtarë në formacionet partizane e në burgje si antifashistë, që janë dëshmorë nga Çeta antifashiste e partizane të Malit të Gollobordës:
1. Fasli Feta Cami-vrarë me 7 prill 1941, mësuesi i parë dëshmorë në Shqiperi.
2. Ejup Shahin Cami-student, pushkatuar nga fashistet italian me 12 prill 1941.
3. Musa Rahman Cami, bujk- pushkatuar nga fashistët italian me 12 prill 1941
4. Mexhit Lezi, bujk nga Luznia-pushkatuar nga fashistët italian me 12 prill 1941.
5. Sefer Ramiz Cami- vrarë në qershor të vitit 1941.
6. Ahmet Feta Cami- komandant i çetës partizane të Gollobordës-vrarë në luftën për mbrojtjen e qytetit te Peshkopisë në tetor 1943.
7. Dilaver Cami- vdekur në burg si antifashist në qershor, 1941 nga torturat.
8. Muharrem Beqir Cami-vdekur nga torturat e burgut si antifashist.
9. Shahin Muharrem Cami- vdekur nga torturat e burgut si antifashist.
10. Hamit Muharrem Cami-vrarë pas çlirimit në kufi në vitin 1950, për ruajtjen e kufirit.
11. Ramiz Cami nga Dibra e Madhe, vrarë në LANÇ në vitin 1943, dëshmor i atdheut.
Ka edhe të tjerë. Kur t’më kujtohen, do t’i shkruaj.
Tefta Cami
Tirane, e diele, 31 gusht, 2025
