Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Tregtia dypalëshe ndërmjet Kosovës dhe vendeve të EFTA-s, ka shënuar rritje të qëndrueshme që nga nisja e saj më 2008. Sipas të dhënave të publikuara në faqen zyrtare të EFTA-s, viti 2023 ka qenë më i suksesshmi deri më tani, me një vlerë totale prej 176 milionë eurosh. Kosova eksportoi në vendet e EFTA-s mallra në vlerë prej 76 milionë eurosh, ndërsa importet nga këto vende arritën në 99 milionë euro. Shkalla mesatare e rritjes së importeve në pesë vitet e fundit ishte 20.4%, ndërsa eksportet shënuan një rritje mesatare prej 26.6%. Një pjesë e konsiderueshme e tregtisë u realizua me Zvicrën dhe Lihtenjshtajnin, të cilat ndajnë një doganë të përbashkët. Tregtia me këto dy vende arriti në 141 milionë euro, ku eksportet e Kosovës u vlerësuan në 75 milionë euro dhe importet në 66 milionë euro. Kosova eksporton kryesisht orendi, plastikë, hekur, çelik dhe produkte druri, ndërsa importet përfshijnë vetura, produkte farmaceutike, duhan dhe makineri.
