Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Agjencia e lajmeve Associated Press raporton se kryetari i Amerikes, Donald Trump, do të nënshkruajë urdhrin e ri ekzekutiv për refugjatët dhe emigrantët më 1 mars. Zëdhënësi i Shtëpisë së Bardhë, Sean Spicer, ka thënë se kryetari Tramp, urdhërin që është dashur të nënshkruajë javën e kaluar, e ka shtyrë, pasi ka dashur që ai të jetë i përsosur. Urdhri i parë ka shkaktuar konfuzion në aeroportet në gjithë botën dhe protesta në Amerikë dhe jashtë. Ai iu ka ndaluar hyrjen në shtetin amerikan, për 90 ditë, qytetarëve të shtatë vendeve me shumicë myslimane, ka pezulluar pranimin e të gjithë refugjatëve për 120 ditë dhe ka ndaluar hyrjen, për kohë të pacaktuar, të refugjatëve nga Siria. Urdhri është ndërprerë nga një gjykatës federal, por Trump është zotuar se do të shkruajë një urdhër të ri, i cili do të pranohet nga gjykatat. Ai ka thënë se goditja e migracionit është e nevojshme për të parandaluar terroristët potencialë që të hyjnë në Amerikë.
