Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Trupi gjykues i Gjykatës Speciale në Hagë, ia ka vazhduar paraburgimin, eprorit të UÇK-së, Salih Mustafa, i cili po akuzohet për krime lufte. Me anë të këtij vendimi, trupi gjykues gjithashtu ka urdhëruar Zyrën e Prokurorit dhe mbrojtësen e viktimave që nëse dëshirojnë mund të paraqesin parashtrimet e tyre për rishikimin e ardhshëm të paraburgimit deri të hënën, më 8 nëntor 2021. Ndërkohë është bërë e ditur se është anuluar seanca e caktuar për të martën, në rastin ku Salih Mustafa po akuzohet për krime lufte. Pas përfundimit të dëgjimit të dëshmitarit të dytë të mbrojtur në seancën e së hënës, në faqen zyrtare të Dhomave të Specializuara të Kosovës në Hagë është bërë me dije se për këtë javë kanë përfunduar seancat dhe se seanca e caktuar për të nesërmen është anuluar. Gjykimi pritet të vazhdojë javën e ardhshme, më 4 tetor, në orën 9:30, ku pritet të fillojë dëgjimi i dëshmitarit të tretë të mbrojtur në këtë rast.
