TV Dielli: Në Shtime u shfaq premiera e dokumentarit për dëshmorin e kombit, Xhemshir Xhemshiri

Salla ishte e mbushur përtej kapaciteteve me qytetarë, familjarë e bashkëluftëtarë, të cilët kishin ardhur për të parë nga afër rrëfimin filmik mbi jetën, veprën dhe sakrificën e tij.

Në fillim të ngjarjes, një fjalë përshëndetëse dhe mirëseardhjeje mbajti djali i dëshmorit, Gazmend Xhemshiri, i cili falënderoi të gjithë të pranishmit për respektin dhe nderimin që i bëjnë figurës së babait të tij dhe dëshmorëve të tjerë të kombit.

Dokumentari “Xhemshir Xhemshiri”, i përgatitur nga TV Dielli, është vepra e fundit e profesorit tashmë të ndjerë Ahmet Qeriqi. Ai solli para publikut historinë e plotë të dëshmorit, që nga fëmijëria në fshatin Petrovë, veprimtaria në mërgatë, deri te bashkimi me radhët e Ushtrisë Çlirimtare të Kosovës dhe rënia heroike më 28 shtator 1998.

Premiera u prit me interesim dhe emocione të mëdha, duke sjellë përpara shikuesve kujtimet e bashkëluftëtarëve, familjarëve dhe eprorëve ushtarakë, të cilët ndriçuan figurën e tij si luftëtar dhe atdhetar.

Foto: Kushtrim Haxha