Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësi i Komisionit Qendror të Zgjedhjeve, Valmir Elezi ka deklaruar se procesi i votimit për Zgjedhjet Lokale ka nisur në të gjitha Qendrat e Votimit në Republikën e Kosovës. Ai theksoi më tutje se janë bërë të gjitha përgaditjet e duhura dhe se procesi po zhvillohet mirë. “Ju njoftojmë se në orët e hershme të mëngjesit, materiali zgjedhor, përfshirë edhe fletëvotimet është shpërndarë me kohë për në të gjitha Qendrat e Votimit. Gjithashtu, njoftojmë se duke u mbështetur në informacionet e pranuara nga KQZ, procesi i votimit për Zgjedhjet Lokale për Kryetarë të Komunave dhe për Kuvende Komunale, ka nisur në të gjitha Qendrat e Votimit në Republikën e Kosovës, me përjashtim të ndonjë vonesë disa minutëshe në ndonjë vendvotim”. Gjatë konferencës për medie, ai ka theksoi se procesi i votimit zhvillohet në 948 Qendra të Votimit, me gjithsej 2 mijë e 625 vendvotime, prej të cilave 910 qendra me 2 mijë 571 vendvotime për votimin e rregullt dhe 38 qendra, nga një për çdo komunë, me 54 vendvotime, për të mundësuar votimin me kusht.
