VELI VELIU

VELI VELIU: SYRI I URITUR I FQINJIT

Prizreni, qytet i madh afër kufirit,

 

Gjeografi arriti i lodhur pasdite!

 

Qytetarët i hiqnin të zitë e ullirit

 

Ndjekje e burgosje me vite!…

 

 

 

Jeta ishte bërë e padurueshme

 

Pas pushtimit serb me ushtri!

 

Prapë shpërngulje të dhunshme,

 

Nga Shkupi shkonin në Turqi!

 

 

 

2.

 

Jugu i nxehtë, vendi më i mirë,

 

Kolonizimi duhej të bëhej shpejt!

 

E rëndë jeta e mbytur në errësirë,

 

Toka merrej në fshat me dekret!

 

 

 

Të ndërrohej struktura e popullsisë

 

Ardhësit me familje vendosën!

 

Selakë* të pagdhendur prej malësisë

 

Me vendasit menjëherë u fjalosën!…

 

 

 

3.

 

Jovan Cvijiq* ballin e kishte ngritur,

 

Hartën në dorë në jugun e nxehtë!

 

Një sinjal nga miqtë e kanë pritur,

 

Serbia të gjej diku dalje deri në det!

 

 

 

Bjeshkët e Bekuara shumë të larta,

 

I shikonte gjatë me syrin e uritur!

 

Ditën s’ kalohen shtigjeve të gjata,

 

I mallkonte i dëshpëruari duke ikur!                                                                                                                          

 

 

 

4.

 

Studiuesi ish një vëzhgues terreni,

 

Nën sundimin turk shëtiti si turist!

 

Kërkonte një shteg të ri shoveni,

 

Majat e shkrepave ia lodhnin sytë!

 

 

 

Vetëm shpesët dhe dhitë e egra,

 

Pa shtigje endeshin poshtë e lartë!

 

Ngjiteshin thikë përmbi humnera,

 

Dhe ndaleshin pak në çdo shpat!

 

 

 

5.

 

Mendohej gjatë, e tërhiqte gomarin,

 

Si të gjendej një dalje për në det!?

 

Askush nuk e njihte mirë udhëtarin

 

Që ishte lidhur ngushtë me pushtet!

 

 

 

I lodhur fort kur u kthye në shtëpi,

 

Gjatë u foli miqve të vet në besim!

 

Atje do të depërtonim me ushtri,

 

e pakalueshme gryka e lumit Drim!

 

 

Pejë, maj 2002

 

 

Selakë, fshatarë të varfër e të paedukuar, të vendosur në pronat shqiptare pas kolonizimit!

Jovan Cvijiq, gjeograf e etnograf shovinist serb!

Drim – Drini, lumi ynë kombëtar! Nga Drim vjen emri Podrimja, shqip Anadrini!

Kontrolloni gjithashtu

Mursel Sopi: 5 Majit, Ditës së Dëshmorëve

Maji ju bashkoi Nga ana e anes Si zjarre si yje Ne gjirin e nenes …