Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në gjykatë n speciale në Hagë është marrë vendim për të ndaluar vizitat te Hashim Thaçi për 11 persona, përfshirë figura publike si Artan Behrami, Blerim Shala, Ismail Syla, Vllaznim Kryeziu, Milaim Ahmetaj, Milaim Cakiqi, Avni Kastrati dhe katër të tjerë me emra të redaktuar. Vendimi u mor më 18 gusht nga gjyqtarja Marjorie Masselot, pas kërkesës së Prokurorisë, e cila pretendon se këta persona gjatë vizitave më herët kanë folur me zë të ulët dhe se Thaçi iu ka dhënë udhëzime që t’i përcillnin tek dëshmitarët. Megjithatë, kërkesa për ndalim vizitash ndaj tre vëllezërve të Thaçit nuk është miratuar. Prokuroria e ka mbështetur kërkesën mbi arsye të pretenduara legjitime, duke shtuar se Thaçi ka edhe dy vëllezër të tjerë që mund ta vizitojnë. Ndërkohë, mbrojtja e Thaçit, e udhëhequr nga Sophie Menegon, ka kundërshtuar masën duke e cilësuar si të panevojshme dhe cenim të të drejtave themelore për jetë private dhe familjare. Kufizimet hyjnë në fuqi menjëherë pas njoftimit zyrtar për të akuzuarin.
