Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Veteranëve të Luftës së UÇK-së, ka reaguar pas vendimit të Gjykatës speciale për lirimin me kusht të Isni Kilajt, duke e cilësuar këtë një hap të vonuar, por të drejtë. Në reagimin e bërë publik, OVL UÇK shpreh gëzimin për lirimin e bashkëluftëtarit të tyre, duke theksuar se Kilajt i është rikthyer një e drejtë e mohuar padrejtësisht për një periudhë të gjatë. Sipas tyre, situata e njëjtë vazhdon të rëndojë mbi ish-luftëtarë të tjerë që mbahen ende në paraburgim. “Ky vendim përbën një hap të nevojshëm drejt reflektimit nga ana e kësaj gjykate, e cila deri tani ka dështuar të respektojë të drejta të garantuara me ligjet dhe Kushtetutën e Republikës së Kosovës”, thuhet në reagimin e OVL UÇK-së. Organizata thekson se mbështet çdo proces të drejtë dhe transparent, duke kërkuar trajtim të barabartë dhe respektim të të drejtave të ish-luftëtarëve të UÇK-së.
