Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Visar Ymeri, ish-kryetar i Lëvizjes Vetëvendosje, ka folur mbi ndryshimet e tij dhe ato të kryeministrit Albin Kurti që kanë ndodhur që nga periudha kur ai ishte pjesë e saj. Ai ka shpjeguar se rrethanat politike dhe qëndrimet e tij kanë evoluar, duke pranuar gabimet dhe ndryshimet që kanë ndodhur brenda partisë dhe në qeverisjen e Kurtit. Kurti dhe qeveria e tij nuk reflektojnë më politikat dhe ideologjinë e dikurshme të Vetëvendosjes. Sipas Ymerit, “asnjë pikë për të cilat ka qëndruar kjo parti, sot nuk është aktuale në qeveri. Ai ka kritikuar qeverisjen aktuale për ndryshimet në politikat sociale dhe për mënyrën se si janë trajtuar transferet financiare, duke i konsideruar ato si lëmoshë dhe jo si të drejta qytetare. Ymeri ka vënë në dukje se konceptet politike që ishin të rëndësishme për Vetëvendosjen si mos-negociimi me Serbinë dhe mospranimi i Asociacionit, tani janë ndryshuar krejtësisht.
