Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e PDK-së, Vlora Çitaku, ka kritikuar ashpër Gjykatën Speciale dhe qëndrimin e institucioneve të Kosovës ndaj proceseve gjyqësore që po zhvillohen kundër ish-krerëve të UÇK-së. Çitaku deklaroi se ajo që po bën Specialja është “deformim i drejtësisë dhe përndjekje”, ndërsa heshtjen e institucioneve të Kosovës e quajti “shurdhuese”. Sipas saj, mbrojtja e liderëve të UÇK-së nuk bëhet me “fjalime boshe apo deklarata populiste”, por me veprime konkrete, diskrete dhe institucionale. Ajo theksoi se Ministria e Jashtme dhe Presidenca duhej ta kishin këtë çështje si prioritet kombëtar, por luftëtarët, siç u shpreh ajo, janë braktisur. Duke iu referuar kryeministrit Kurti, Çitaku tha se ai “nuk ngurron të sulmojë gjyqtarë e prokurorë në Kosovë, por përballë Speciales nuk guxon as të hapë gojën”.
