Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së, Vlora Çitaku, ka goditur fort Qeverinë Kurti pas dështimit të së dielës për formimin e kabinetit të ri, duke e cilësuar këtë zhvillim si fundin e arrogancës politike që, sipas saj, ka mbretëruar për pesë vite në pushtet. Në reagimin e saj, Çitaku deklaron se Albin Kurti e ka ndërtuar të gjithë projektin e tij politik mbi konflikte, ndasi dhe diskreditim të kundërshtarëve. Sipas saj, kreu i qeverisë ka synuar të sundojë, e jo të qeverisë, duke ushtruar presion e sulme ndaj gjyqësorit, mediave, biznesit e sindikatave, çdo herë që nuk i janë nënshtruar. Ajo thekson se dështimi i Kurtit për të siguruar votat në Kuvend është dëshmi se “mendësia totalitare”, siç e quan ajo, nuk pranohet nga përfaqësuesit e popullit. “Koha e arrogancës po mbaron”, nënvizon Çitaku, duke shtuar se de mistifikimi i figurës së Kurtit nisi që në ditën e parë të ushtrimit të pushtetit. Tensionet politike që rriten çdo ditë e me pasigurinë për hapat e ardhshëm institucionalë, mesazhi i Çitakut për Qeverinë tingëllon i prerë: logjika e përplasjes nuk mund të ndërtojë stabilitet e as të qeverisë për vendin.
