Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës (PDK), Vlora Çitaku, ka kritikuar ashpër qeverisjen e kryeministrit Albin Kurti, duke e akuzuar se ka shkatërruar urat e bashkëpunimit me aleatët kryesorë ndërkombëtarë të Kosovës – Shtetet e Bashkuara të Amerikës dhe NATO-n. Në një reagim publik, Çitaku ka bërë një krahasim mes ish-presidentit Hashim Thaçi dhe kryeministrit aktual, duke thënë se i pari kishte arritur të krijonte miqësi e aleanca nga fronti i luftës, ndërsa i dyti po i rrënon nga pozita më e lartë ekzekutive në vend. “Hashim Thaçi nga malet e Pashtrikut krijoi aleancë me NATO-n e SHBA-në. E Albin Kurti nga zyra e kryeministrit, me tërë komoditetin që të ofron të jesh kryeministër i Kosovës së pavaruar, ka arritur me sukses të rrënojë çdo urë bashkëpunimi,” ka deklaruar Çitaku. Sipas saj, përderisa aleancat e ndërtuara gjatë luftës ishin jetike për mbijetesën dhe pavarësinë e Kosovës, sot ato po cënohen nga vendimmarrjet e pamatura dhe qëndrimet e qeverisë aktuale.
