Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas vizitës në Beograd të nënkryetarit amerikan, Xho Bajden, kryeministri i Serbisë, Aleksandar Vuçiq ka deklaruar se temat kryesore të bisedimeve me z. Biden kanë qenë marrëdhëniet bilaterale, dialogu Beograd-Prishtinë, marrëdhëniet rajonale dhe rruga evropiane e Serbisë. E njoftova z. Biden se brenda një muaji ne do ta mirëpresim këtu kryeministrin e Shqipërisë, Edi Rama, se do të mirëpresim edhe disa nga përfaqësuesit e shqiptarëve “të Kosovës dhe Metohisë”, se do të mirëpresim shumë njerëz në forumet e biznesit, në takime, Sepse duam që të zhvillojmë vendin tonë, të sigurojmë rritje të ekonomisë sonë, natyrisht duke ruajtur interesat tona kombëtare e shtetërore”, tha Vuçiq. Analistë në Beograd, në mesin e të cilëve Dushan Janjiq nga Forumi për marrëdhënie etnike, mendojnë se përveç Edi Ramës, me rastin e fillimit të punimeve në autostradën Nish-Tiranë, në Beograd mund të vijnë edhe kryeministri i Kosovës Isa Mustafa dhe kryetari, Hashim Thaçi. Vuçiq pretendon që me bekimin e Amerikës ta kthejë Serbinë në Kosovë e Metohi, sikur shprehet ai, duke nënkuptuar se Kosova është provincë e Serbisë.
