Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje mbajti konferencë për medie në të cilën paraqiti qëndrimet e saj për ndërtimin e murit në pjesën veriore të Mitrovicës. Në deklarimin para gazetarëve, deputeti nga radhët e Vetëvendosjes, Glauk Konjufca tha se iniciative për ndërtimin e murit është ndërmarr nga strukturat e dirigjuara nga Beogradi dhe kanë për qëllim thellimin e ndarjes së qytetit edhe ashtu të ndarë të Mitrovicës. Veriu i Kosovës tashmë e kemi parë që është një rajon nën kontrollin e drejtpërdrejtë të Serbisë dhe strukturave që kontrollohen nga Aleksandër Vuçiq, dhe kjo situatë prej qeverisë është thënë se do të ndryshohet përmes procesit të negociatave të Brukselit. Depueteti nga radhët e Vetëvendosjes, Glauk Konjufca theksoi më tutje se ndërtimi i murit në Mitrovicë nga Goran Rakiq dhe strukturat e kontrolluara nga Serbia janë epilogu real i negociatave të Brukselit. Pra ky është rezultati i negociatave me Serbinë, betonizimi, çimentimi dhe thellimi i ndarjes së Republikës së Kosovës dhe qytetit të Mitrovicës, theksoi deputeti, Glauk Konjufca.
