Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje ka reaguar ashpër ndaj vendimit të Gjykatës Kushtetuese për pezullimin e punës së Kuvendit për 25 ditë, duke e quajtur atë një goditje të drejtpërdrejtë ndaj funksionalizimit të institucionit më të lartë përfaqësues në vend. Në reagimin e saj, VV thekson se Kushtetuesja ka mbajtur anë duke bllokuar punën e 120 deputetëve vetëm sepse Lista Serbe nuk ka arritur të sigurojë votat për zgjedhjen e një nënkryetari. Sipas partisë, një vendim i tillë krijon precedent të rrezikshëm, duke e lidhur funksionimin e Kuvendit me vullnetin e një partie të vetme. Vetëvendosje e konsideron të papranueshëm arsyetimin e Gjykatës, që në aktin e saj 15-faqësh mbështetet mbi pretendimin e Listës Serbe për “të drejtë ekskluzive” në propozimin e nënkryetarit – diçka që, sipas VV-së, nuk është e përcaktuar në Kushtetutë dhe as në frymën e organizimit demokratik të Kosovës.
