Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-deputeti i Partisë Demokratike të Kosovës, Xhavit Haliti, ka reaguar ashpër pas publikimit të një punimi hulumtues nga kryeparlamentari Dimal Basha dhe bashkautorja maqedonase Jana Arsovska, ku përmendet emri i tij lidhur me fondin “Vendlindja Thërret” dhe pretendime për lidhje me krimin e organizuar pas luftës. Haliti ka mohuar kategorikisht çdo përfshirje në menaxhimin e fondit ose logjistikën e UÇK-së, duke e cilësuar punimin si përpjekje për denigrim të Ushtrisë Çlirimtare të Kosovës. “S’kam qenë shef i fondit ‘Vendlindja Thërret’, as përgjegjës për atë fond. Kam dëgjuar për 30 vjet që më lidhin me krimin e organizuar, por këto janë shpifje. Fondi pasluftës ka qenë problematik për shkak të decentralizimit, por shumica e mjeteve kanë kaluar në menaxhim të qeverisë së përkohshme”, tha Haliti. Ai akuzoi se artikujt e natyrës së tillë janë “kopje nga BIA serbe”, ndërsa për punimin e Bashës u shpreh se është “baraz me tradhti”. “Dimali, përveç që u jep përgjigje dezinformatave ndërkombëtarisht, duhet të japë llogari para organeve të drejtësisë në Kosovë. Sepse ka tentuar ta denigrojë UÇK-në përmes emrave tanë. Duhet të dënohet. Është e barabartë me tradhti”, u shpreh Haliti.
