Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i degës së Nismës Socialdemokrate, në Prizren, Zafir Berisha, duke shkruar për situatën e fundit në vend, në lidhje me ngritjen e çmimeve të artikujve ushqimor dhe energjisë elektrike, ka theksuar se Albin Kurti po sillet me Kosovën si çifligar. “Kosova është pronë e gjithë qytetarëve që jetojnë këtu e jo pashallëk i çifligarëve të mentalitetit mesjetar, të cilët sillen me fatin e vendit dhe qytetarëve sikurse ta kenë trashëgimi private nga baballarët e tyre”, ka shkruar Berisha. Kriza social-ekonomike (ngritja e çmimeve të artikujve ushqimor dhe energjisë elektrike) që ka përfshi vendin dhe që po rezulton me një krizë të thellë morale në shoqëri, po bëhet e papërballueshme nga qytetarët dhe po reflekton direkt në harmoninë dhe mirëqenën e familjeve tona si bërthamë e shtetit. Papunësia, gjendja e rëndë në arsim e shëndetësi, mungesa e vizionit për një zhvillim të qëndrueshëm ekonomik dhe dominanca e nepotizmit dhe krimit të organizuar në institucione, janë disa nga shkaktarët që e rendojnë jetën normale në Kosovë, ka shkruar mes tjerash Zafir Berisha.
