Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbi 95 për qind e votave të zgjedhjeve të parakohshme parlamentare të mbajtura më 28 dhjetor 2025 janë numëruar tashmë nga Komisioni Qendror i Zgjedhjeve, duke e bërë të qartë përbërjen e re të Kuvendit të Republikës së Kosovës dhe forcimin e përfaqësimit politik në legjislativ. Rezultatet preliminare tregojnë se këto zgjedhje kanë sjellë fytyra të reja dhe profile profesionale të ndryshme, të cilat për herë të parë do të marrin përgjegjësi ligjvënëse, duke reflektuar besimin qytetar për rritje, ndryshim dhe përfaqësim të ri politik. Nga Lëvizja Vetëvendosje, për herë të parë në Kuvend pritet të hyjnë:
Rufki Suma, Blerim Gashi, Taulant Kelmendi, Fatos Geci, Hysen Durmishi, Jeton Raka, Arsim Ademi, Sylejman Meholli dhe Vigan Qorrolli. Nga Partia Demokratike e Kosovës, mandatin e parë deputet do ta fitojnë: Arian Tahiri, Arben Mustafa dhe Besa Kabashi-Ramaj. Ndërkaq, Lidhja Demokratike e Kosovës pritet të përfaqësohet me deputetë të rinj si:
Janina Ymeri, Adelina Thaçi-Metani dhe Ermal Sadiku. Sipas rezultateve aktuale, Aleanca për Ardhmërinë e Kosovës (AAK) nuk pritet të ketë fytyra të reja në përbërjen e ardhshme të Kuvendit. Sa i përket ndarjes së mandateve, rezultatet preliminare tregojnë një balancë të qartë politike, ku: Lëvizja Vetëvendosje siguron 56 mandate, PDK fiton 23 mandate, LDK merr 15 mandate, AAK siguron 6 mandate, ndërsa 20 ulëse u takojnë komuniteteve joshumicë.
