Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aktivisti i Partisë Socialdemokrate, Zgjim Hyseni, ka reaguar ashpër ndaj shpalljes së gjendjes së jashtëzakonshme në Trepçë dhe masave të fundit të ndërmarra nga Kryeshefi Ekzekutiv. Pas një periudhe të vështirë ku minatorët ishin tre muaj pa paga, atyre u është mohuar edhe e drejta për të marrë pushime vjetore. Ligji për Marrëdhënien e Punës nuk parashikon një koncept të tillë si “gjendja e jashtëzakonshme” në kontekstin e marrëdhënieve të punës dhe se vendimi është në kundërshtim me të drejtat e punëtorëve të garantuara me ligj. Ai ka ftuar publikun dhe institucionet përkatëse që të lexojnë ligjin nga fillimi deri në fund për të kuptuar shkeljet që po ndodhin. Ligji për grevat është i qartë në mbrojtjen e punëtorëve nga ndëshkimet pas grevave dhe se veprimet e fundit të menaxhmentit të Trepçës janë një përpjekje për të shuar të drejtat e tyre themelore.
