Zonës Industriale në Shirokë, i shtohen edhe katër biznese tjera

15/06/2016 Institucionet

Zona Industriale në Shirokë të komunës së Suharekës, çdo ditë e më tepër po bëhet joshëse për afaristët suharekas. Kushtet e mira dhe ambienti i përshtatshëm për zhvillim ekonomik, po shtynë shumë Kompani që të interesohen për të përfituar hapësira në këtë Zonë. Vargut të bizneseve që po veprojnë këtu sot iu shtuan edhe 4 Kompani nga Komuna e Suharekës, të cilat kanë nënshkruar Kontratat me kryetarin e Komunës z.Sali Asllanaj, për marrje në shfrytëzim afatgjatë të pronës së paluajtshme të Komunës së Suharekës. Kështu, përfitues të hapësirave nga sot janë: Firma NPT “Bamirs”, me pronar Sinan Bajraktari i cili do të ushtrojë veprimtarinë “Hipodrume, sera, ferma etj, Firma NNT “Seti commerc”, me pronar Nisret Bajraktari, po ashtu veprimtari “Hipodrume, sera, ferma etj, pastaj DPZ “Metal –Fati”, me pronar Bashkim Kuçi, që do të ushtrojë veprimtarinë “ Depo të ndryshme ndërtimore” si dhe Firma NPT “Tiki&Tisi”, për veprimtarinë po ashtu “Hipodrume, sera, ferma etj. Me rastin e nënshkrimit të kontratave, kryetari Asllanaj, përfituesve u ka dëshiruar suksese në punë, afarizëm të mirë dhe ka kërkuar që ti përmbahen kushteve të kontratës.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara