Zv. kryetari Hasan Aliu, priti në takim aktorin dhe regjisorin Adem Kica

10/06/2025 Institucionet

Zëvendëskryetari i Komunës së Vitisë, z. Hasan Aliu, ka pritur sot në një takim të veçantë aktorin, regjisorin dhe pedagogun e njohur të artit, Adem Kica, i cili jeton dhe vepron në Cyrih të Zvicrës.

Gjatë këtij takimi miqësor e frytdhënës, z. Aliu vlerësoi lart punën dhe kontributin shumëvjeçar të artistit Kica në promovimin e artit shqiptar jashtë vendit, veçanërisht në fushën e filmit dhe teatrit. Ai theksoi se figurat si Adem Kica janë ambasadorë të denjë të kulturës sonë kombëtare, të cilët me përkushtim profesional dhe artistik i japin zë identitetit shqiptar në diasporë.

“Është kënaqësi dhe nder për komunën tonë të presim një personalitet të tillë të artit dhe kulturës, i cili me veprën e tij ka lartësuar emrin e shqiptarëve në Zvicër dhe më gjerë. Adem Kica është shembull frymëzimi për brezat e rinj”, u shpreh zëvendëskryetari Aliu.

Në shenjë mirënjohjeje për kontributin e tij të çmuar në fushën e kulturës dhe artit, z. Aliu i dorëzoi zyrtarisht artistit Adem Kica një mirënjohje nga Komuna e Vitisë.

Kontrolloni gjithashtu

Nuk mund të ketë dy të vërteta, Komuna e Ferizajt është kampione e transparencës në nivel vendi, nuk marrim përgjegjësi për dështimet teknike të GAP-it

Lidhur me publikimin e djeshëm të “Indeksit të Transparencës Buxhetore të Komunave” nga Instituti GAP, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara