Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bac, ti ishe një jetë për Atdhe, më e gjatë se një jetë,
se ti ishe vetë Atdheu.
Bac, ti ishe një jetë për liri, i gatshëm për flijim,
se ti ishe vetë liria.
Bac, ti ishe një jetë për bashkim, ëndërr e moçme 100 vjet,
se ti ishe vetë bashkimi.
Bac, ti ishe një jetë për ideal, me e gjatë se vetë amshimi,
se ti ishe vetë ideali.
Bac, ti ishe një jetë me sakrifica, më e rralla e burgjeve politike,
se ti ishe vetë sakrifica.
Bac, ti ishe një jetë qëndrese me vuajtje, më e gjatë se vetë robëria,
se ti ishe vetë qëndresa.
Bac, ti ish një jetë për të drejtat e njeriut, rast i rrallë në këtë shekull,
se ti ishe vetë drejtësia.
Bac, ti ishe një jetë arti, më i lexuari në rininë tënde në burgje,
se ti ishe vetë shkrimtari ynë i madh.
Bac, ti ishe një jetë prijësi, me pak shokë si ti, deri te Adem Jashari,
se ti ishe vetë UÇK-ja.
Bac, ti ishe një jetë në histori, e rrallë ndër shoqe,
ti ishe vetë historia.
Prishtinë, më 26 korrik 2018
