Kryetari Bashkim Ramosaj ka pritur në takim përfaqësues të organizatës ECOPANA

30/03/2026 Institucionet

Kryetari i komunës së Deçanit, Bashkim Ramosaj ka pritur në takim përfaqësues të organizatës ECOPANA, të cilët prezantuan projektin “Rruga e Kosovës drejt Lumenjve të Lirë – Inventarizimi Fillestar i Digave në Drinin e Bardhë”.

Në kuadër të këtij projekti është realizuar për herë të parë identifikimi dhe inventarizimi i barrierave dhe strukturave të tjera, në lumenjtë e pellgut të Drinit të Bardhë në Kosovë, duke përfshirë edhe ato që ndodhen në territorin e Komunës së Deçanit.

Gjatë takimit u prezantuan rezultatet e këtij procesi, që kanë sjellë për herë të parë një listë dhe hartëzim të barrierave ekzistuese në lumenjtë e vendit. Po ashtu, diskutuam për mundësitë e bashkëpunimit ndërinstitucional në funksion të mbrojtjes së lumenjve, menaxhimit të qëndrueshëm të ujërave dhe ruajtjes së mjedisit.

Kryetari Ramosaj i ka falënderuar ata për prezantimin e projektit dhe për punën e bërë, si një hap i rëndësishëm drejt mbrojtjes së lumenjve dhe menaxhimit të qëndrueshëm të burimeve ujore.

Kontrolloni gjithashtu

Kryetari Ekrem Kastrati bëri homazhe në 27-vjetorin e rënies së dëshmorëve të kombit

Në shënim të 27-vjetorit të rënies heroike të dëshmorëve të kombit, Ibrahim Mazrreku, Kujtim Krasniqi, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara