Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtarët e Policisë së Kosovës nuk janë kompensuar për orët shtesë të punës që nga muaji mars, pavarësisht premtimeve institucionale. ka Asnjë polic nuk i ka marrë këto shtesa bashkë me pagat mujore, ndërkohë që Policia e Kosovës nuk ka dhënë ende një përgjigje zyrtare për këtë vonesë. Ish-drejtori i Policisë dhe deputeti Rashit Qalaj thekson se kjo është një çështje që duhet trajtuar me seriozitet, pasi angazhimi i zyrtarëve në orare të zgjatura bëhet në bazë të planeve operative dhe urdhrave hierarkikë, jo me dëshirë personale. Ai shton se kompensimi është obligim ligjor i institucioneve shtetërore. Qalaj vlerëson gjithashtu se moskonstituimi i Kuvendit ka ndikuar negativisht në zbatimin e vendimeve buxhetore dhe se përgjegjësia për këtë bie mbi koalicionin fitues të zgjedhjeve, i cili sipas tij po e mban të bllokuar jetësimin institucional. Sipas Ligjit për Policinë e Kosovës, pagesa për orët shtesë është e garantuar dhe zbatimi i saj është i detyrueshëm. Përballë rrezikut të pakënaqësive të brendshme dhe rënies së efikasitetit operativ, kërkohet një zgjidhje e menjëhershme institucionale.
