Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendësministri Mjedisit, Planifikimit Hapësinor dhe Infrastrukturës, i Qeverisë Kurti, Hysen Durmishi ndihet i befasuar pse e ka ftuar për hetime Prokuroria Speciale e Kosovës, ndërkohë që ka bërë me dije se rasti ka të bëjë me nënshkrimin e kontratës për rrugën Prishtinë-Podujevë. Dëshiroj të ju njoftoj se kam pranuar një ftesë nga prokuroria speciale për intervistë me datën 8 maj. Kur e mora ftesën mendova që më në fund po më ftojnë për të më pyetur për lëndën që e pata dorëzuar në prokurori speciale para gati tri viteve. Por jo, ata më kishin ftuar për nënshkrimin e kontratave për rrugën Prishtinë – Podujevë. Me gjasë dikujt po i pengon dinamika e punimeve në këtë projekt sepse gjithçka po ecën sipas planit”, ka thënë Durmishi. Të ftosh zëvendësministrin për intervistim duke u bazuar në spekulimet e një operatori ekonomik, edhe pas vendimit të OShP-së që na jep të drejtë neve si autoritet kontraktues, më duket sinqerisht e pakuptimtë, thotë Durmishi duke lënë të kuptohet se rangu i tij zyrtar nuk u dashka të ftohet në Prokurori.
