OJQ“Ndihmo edhe ti” e interesuar për të ndihmuar familjet me nevojë

Përfaqësuesi i Shoqatës humanitare “Ndihmo edhe ti”, bashkatdhetari që vepron dhe jeton në Suedi, z.Halim Hoti, biznesmen i shoqëruar dhe z.Shani Hamitaga, nga Ministria e Diasporës, kanë vizituar kryetarin e Komunës së Suharekës, z.Sali Asllanaj. Gjatë takimit të përbashkët, Hoti është interesuar që të shtrijë veprimtarinë humanitare të OJQ “Ndihmo edhe ti” edhe në Komunën e Suharekës. Projekti që kohët e fundit po realizohet në disa komuna të Kosovës ka të bëjë me ndërtimin e shtëpive për rastet e rënda sociale të familjeve në nevojë. Një punë të tillë , biznesmeni Hoti po dëshiron ta bëjë edhe në Komunën e Suharekës dhe për këtë ka marrë miratimin e kryetarit Asllanaj. “Ne jemi të gatshëm të përkrahim iniciativën e OJQ “Ndihmo edhe ti” për të ndërtuar shtëpi për të pastrehët, ne kemi një fond që e kemi ndarë për këtë qëllim dhe nga ky fond iniciativën e kësaj OJQ-je humanitare do ta përkrahim. Unë shpresoj se së shpejti do të përgatisim një Memorandum bashkëpunimi dhe do të fillon të realizohet” ka thënë kryetari Asllanaj, pas takimit.

Kontrolloni gjithashtu

Kryetari Fadil Nura ka pritur në takim Komisioneren e Agjencisë për Informim dhe Privatësi, Krenare Sogojeva-Dërmaku

Kryetari i Komunës së Skenderajt, Fadil Nura, ka pritur në takim Komisioneren e Agjencisë për …