leoni

22 marsi, Dita Botërore e Ujit “ Uji dhe Ndryshimet Klimatike”

22/03/2020 Institucionet

Edhe këtë vit Dita Botërore e Ujit po e gjen shtetin tonë me mungesë të ujit të pijshëm si e drejtë elementare e secilit nga ne. Kreu i komunës së Skenderajt, Bekim Jashari, ka bërë të ditur se është angazhuar që sipas mundësive buxhetore që ka komuna, të sigurohet uji i pijshëm për qytetarët e komunës. “Fokusi ime në ketë mandat qeverisës është që 85.5 % e qytetarëve të Skenderajt të kenë qasje në Sistemin e Ujësjellësit dhe të menaxhohen siç është e paraparë me ligjet në fuqi”, ka thënë Kryetari Jashari. Tutje i pari i komunës së Skenderajt, Bekim Jashari, ka deklaruar se brenda këtij viti do të fillojë ndërtimi i ujësjellësit në 12 fshatra të komunës. “Krahas përfundimit të projektit për kyçjet individuale të ujësjellësit në 12 fshatra të komunës së Skenderajt, këtë vit do të fillojmë ndërtimin e ujësjellësit edhe në këto fshatra: Abri e Poshtme, Aqarevë, Likoc, Llaushë, Marinë, Makerrmal, Murgë, Rezallë, Plluzhinë e Ticë, ku do të përfitojnë gjithsej 12364 banorë. Ky Projekt është donacion i qeverisë Zvicerane dhe qeverisë së Kosovës kurse implementohet nga CDI – ja dhe ka një vlerë rreth 1.4 milion Euro”, tha Kryetari Jashari. Ashtu si shumë komuna në Kosovë edhe komuna jonë është e varfër sa i përket rezervave ujore. Kryetari Jashari, tha se që nga ardhja e tij në krye të komunës menjëherë ka nisur angazhimin e tij për “Ndërtimin e pendes së Kuqices”, me anë të cilës do të arrihet t’u sigurohet ujë i pijshëm qytetarëve. “Pas ardhjes sime si kryetar i komunës së Skenderajt, kam gjetur në sirtarë studimin e fizibilitetit për projektin “Ndërtimi i pendes së Kuqices” dhe menjëherë kam filluar angazhimin tim për realizimin e këtij projekti, për të pasur furnizim të sigurt me ujë të pijshëm për qytetarët e Skenderajt dhe jo vetëm, ujë për bujqësi dhe mundësi turizmi e energji. Për këtë projekt kam kërkuar përkrahje nga Qeveria e Republikës së Kosovës por fatkeqësisht pavarësisht krizës së ujit udhëheqësit tonë ende në vend të sigurimit të ujit për qytetarët prioritet kanë projekte tjera infrastrukturore” u shpreh Kryetari Jashari. I pari i komunës, Bekim Jashari, apelon qytetarët që çdo ditë të kursejnë ujin, të përdorim atë sa më racionalisht dhe të mos ndotin burimet ujore.

Të kursejmë ujin, uji është jetë!

Kontrolloni gjithashtu

Shënohet Dita e Shkollës dhe përurohet Salla e Sporteve në Fshat të Vjetër

Paraditen e sotme, në Fshat të Vjetër të komunës së Ferizajt, u shënua Dita e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara