Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot shënohet përvjetori i rënies heroike të Fehmi Lladrovcit, Xhevë Krasniqi–Lladrovci, Fatime Hetemit dhe Shefqet Zekës, të cilët më 22 shtator të vitit 1998 ranë në altarin e lirisë gjatë një beteje të përmasave të mëdha. Fehmi Lladrovci, veprimtar dhe i burgosur politik i viteve ’80, ishte gjithashtu pjesëmarrës në luftën atdhetare të Kroacisë në vitin 1991, ndërsa më pas u radhit në organizimin e luftës së Ushtrisë Çlirimtare të Kosovës. Në verën e vitit 1998, ai udhëhoqi Zonën Operative të Drenicës si komandant, duke u shndërruar në një figurë kyçe të rezistencës së armatosur kundër okupimit serb. Bashkë me të, në këtë ditë ranë edhe Xhevë Krasniqi–Lladrovci, një veprimtare dhe luftëtare e dalluar e UÇK-së, dhe dëshmorë tjerë të cilët dhanë jetën për lirinë e Kosovës. Lufta e tyre vazhdon të kujtohet si një akt i lartë atdhedashurie dhe një shembull frymëzimi për brezat e sotëm e të ardhshëm. Institucione, familjarë dhe qytetarë do të mbajnë aktivitete përkujtimore për nder të tyre në Drenas dhe qytete të tjera të Kosovës.
