leoni

500 studentë në punë praktike në institucionet nacionale të kulturës

13/07/2016 Institucionet

Ministria e Kulturës, Rinisë dhe Sportit ka nënshkruar një memorandum bashkëpunimi me Universitetin e Prishtinës “Hasan Prishtina” për angazhimin e studentëve në punë praktike, nëpërmjet të cilit siguron punë praktike me pagesë për studentët e pesë fakulteteve: Fakulteti Filozofik, Fakultetit i Filologjisë, Fakulteti i Arteve, Fakulteti i Edukimit dhe Fakultetit i Ndërtimtarisë dhe Arkitekturës.

Me këtë rast, Ministri i kulturës Kujtim Shala u shpreh se ky bashkëpunim me Universitetin e Prishtinës është shumë i rëndësishëm, nëpërmjet të cilit konkretizohet vullneti që institucionet e kulturës të bashkëpunojnë drejtpërdrejt me Universitetin e Prishtinës.

Po ashtu, Shala shtoi se përfshirja e studentëve në punën e ministrisë dhe të institucioneve nacionale, është rruga dhe mundësia më e mirë për studentët e këtij universiteti dhe zhvillimin e tyre profesional.

Veç tjerash, ministri Shala u shpreh se viti i parë është menduar që të jetë si vit testimi dhe pastaj do të shihen mundësinë që ky bashkëpunim të zgjerohet dhe po ashtu numri i studentëve të rritet.

Rektori i Universitetit të Prishtinës Marjan Dema e falënderoi ministrin Shala për këtë bashkëpunim të rëndësishëm, dhe u shpreh se angazhimi i studentëve për punë praktike nëpër institucione të ndryshme është synim i Universitetit të Prishtinës.

Ky memorandum do të hyjë në fuqi me 1 janar 2017, ndërsa praktika do të jetë me pagesë, nga 15 deri në 18 euro në ditë. Sipas memorandumit, një studentë do të ketë të drejtë që brenda javës të punojë dy ditë pune ose praktike, ndërsa periudha e angazhimit në punë praktike zgjat tre muaj.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara