Komuna e Malishevës, ndihmon zonat e përmbytura në Shqipëri

06/12/2017 Institucionet

Komuna e Malishevës, i është përgjigjur thirrjes për ti ndihmuar zonat e përmbytura të Shqipërisë. Për këtë qëllim, nga Malisheva është nisur një maune me ndihma, përkatësisht me ushqim për bagëti, pasi në këtë sektor llogaritet se janë shkaktuar edhe dëmet më të mëdha. Sipas drejtorit të Drejtorisë për Mbrojtje dhe Shpëtim, Sejdi Paçarizi, “Komuna e Malishevës, i është përgjigjur thirrjes për ta ndihmuar shtetin shqiptar, përkatësisht zonat më të dëmtuara nga përmbytjet, dhe kërkesa e adresuar në Malishevë, ka qenë për sigurimin e ushqimit për bagëti, pasi përmbytjet dhe vërshimet e ditëve të fundit, e kanë goditur më shumë këtë sektor”. Përndryshe, sipas Paçarizit, “Malisheva e di më së miri se çka do të thotë të dëmtohesh nga përmbytjet dhe vërshimet, sidomos në sektorin e bujqësisë dhe blegtorisë, pasi me situata të tilla Komuna e Malishevës, përballet çdo vit, prandaj edhe është vlerësuar si shumë e nevojshme, që sadopak edhe ne si komunë, të ndihmojmë në këtë drejtim”. “Ne si drejtori kemi kërkuar nga Kryetari i Komunës se Malisheves, Ragip Begaj, që ta mbështes kërkesën, e cila është miratuar nga kryetari dhe menjëherë janë nisur ndihmat e para për zonat e përmbytura në Shqipëri”, tha drejtori Paçarizi. Një maune me ndihma në ushqim të bagëtive, është nisur sot për në Shqipëri, ku ushqimi në thashë për bagëti është siguruar nga Komuna e Malishevës, ndërsa transporti është siguruar nga sektori privat, përkatësisht kompania “Kushtrimi”, me pronar Ismet Bytyçin.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara