Kreu i Qeverisë, Ramush Haradinaj e ngushëllon familjen Zuqaku nga Vushtrria për vdekjen tragjike të djalit

Kryeministri i vendit, Ramush Haradinaj e ka ngushëlluar familjen Zuqaku nga Vushtrria, pas vdekjes tragjike të djalit të tyre Egzonit. Ai ka vdekur në një aksident komunikacioni në Zvicër dhe ishte djali i dëshmorit Blerim Zuqaku. “Me keqardhje mora lajmin për ndarjen tragjike nga jeta në një aksident trafiku të Egzon Zuqakut, 23 vjeçar nga Vushtrria. Egzoni ishte i biri i dëshmorit të kombit, Blerim Zuqaku, luftëtar i Brigadës 142 në Zonën Operative të Shalës. Duke bashkëndjerë në dhimbje me familjen dhe të afërmit e Egzonit, u shpreh ngushëllimet e mia më të thella për këtë humbje të madhe”, ka shkruar Haradinaj.