Nisin punimet në projektin “Ulja e niveletës së përroit në fshatin Celinë”

11/09/2018 Institucionet

Në fshatin Celinë të Komunës së Rahovecit, kanë nisur punimet në projektin “Ulja e niveletës së përroit në fshatin Celinë”, në ceremoninë e nisjes së punimeve të pranishëm ishin Kryetari Smajl Latifi, Berat Duraku drejtor i DBPZHR-së dhe Afrim Dina kryesues i Kuvendi. Kryetari i Komunës së Rahovecit, Smajl Latifi u shpreh se filloi  zbatimi i projektit: “Ulja e niveletës së përroit në fshatin Celinë” dhe pikërisht nga dalja e ujit nga shtrati i këtij përroi janë vërshuar shumë toka bujqësore dhe ekonomi familjare. Përfundimi i këtij projekti hap rrugë për projektin tjetër të ndërlidhur për kullimin e tokave bujqësore të fermerëve të vyeshëm të këtij fshati. Muhamet Ramadani, kryetar i këshillit të fshatit Celinë e ka falënderuar, Kryetarin e Komunës Smajl Latifi, drejtorin e DBPZHR-së Berat Duraku, kryesuesin e kuvendit komunal Afrim Dina, asamblistët  Rasim Fazliu dhe Faton Ramadani, për projektin “Ulja e niveletës së përroit në fshatin Celinë”. Ai tha poashtu se sot filluan punimet, në njërin ndër projektet më të rëndësishme për banorët e fshatit Celinë. Realizimi i këtij projekti është mundësuar nga buxheti i Komunës së Rahovecit i cili kap vlerën prej 178,000 euro dhe që ka një gjatë si prej 1237 metra.

Kontrolloni gjithashtu

Klubi i Çiklizmit “Bike Club Deçani” organizoi marshin simbolik për të nderuar Luan Haradinajn, në ditën e rënies së tij

Klubi i Çiklizmit “Bike Club Deçani” të martën më 6 maj organizuan marshin simbolik nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara