Nderohen dëshmorët dhe martirët e lirisë

29/03/2019 Institucionet

Kryetari i Komunës së Skenderajt, Bekim Jashari, nënkryetari Nuredin Lushtaku, drejtorët komunalë, familjarë të të rënëve si dhe bashkëluftëtarë të dëshmorëve, kanë bërë homazhe te varri i dëshmorit Avdullah Kodra, në Kompleksin e Dëshmorëve në Marinë, në 20-vjetorin e rënies së tij në fushën e nderit. Në kuadër të aktiviteteve të organizuara nga Komuna e Skenderajt, për nder të 20-vjetorit të rënies së dëshmorëve të kombit, delegacioni i Komunës ka bërë homazhe edhe te lapidari në nderim të të rënëve në Klinë të Poshtme. Pas homazheve, kryetari Jashari është shprehur se, është obligim i ynë që t’i nderojmë të gjithë dëshmorët dhe martirët, që dhanë jetën e tyre, për lirinë që ne sot e gëzojmë. “Është obligim i ynë t’i nderojmë të gjithë ata që dhanë jetën, që ne të gëzojmë lirinë dhe pavarësinë e vendit. Kemi qëndruar bashkë në ditët më të vështira, pse mos të jemi bashkë edhe sot në ditët e mira. Lavdi heronjve dhe martirëve të Kosovës!”, ka thënë kryetari Jashari.

Kontrolloni gjithashtu

Kanë filluar konsultimet publike për Planin Zhvillimor Komunal të Ferizajt

Në kuadër të hartimit të Planit Zhvillimor të Komunës (PZHK), Komuna e Ferizajt ka filluar …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara