U PËRURUA SHIRITI RRUGOR SHTESË NË PIKËN DOGANORE TË MORINËS

26/04/2019 Institucionet

Ministri i Infrastrukturës dhe Transportit Pal Lekaj, bashkë më ambasadorin e Shqipërisë në Kosovë Qemal Minxhozi, të premten mori pjesë në përurimin e shiritit rrugor shtesë në pikën doganore të Morinës, kufiri Kosovë-Shqipëri. Ky shirit shtesë do të ndihmojë qarkullimin edhe më të lirë e të shpejtë të njerëzve dhe mallrave nga të dyja anët e kufirit. Duke folur për rëndësinë e këtij projekti infrastrukturor ministri Pal Lekaj deklaroi se ky shirit shtesë është në shërbim të lëvizjes së lirë të qytetarëve dhe mallrave, sidomos për transportuesit nga të dyja anët e kufirit. Lekaj tha se bashkëpunime të tilla si ky, ndikojnë dukshëm në relacionet vëllazërore mes Kosovës dhe Shqipërisë. Ambasadori Mixhozi e falënderoi ministrin Lekaj dhe dikasterin që ai përfaqëson për kontributin në realizimin e këtij projekti që ishte prolonguar për një kohë të gjatë, por që falë angazhimit të ministrit Lekaj u krye në më pak se 10 ditë.

Kontrolloni gjithashtu

Kryetari Haliti mban takim koordinues për organizimin e festës tradicionale “Zoja e Madhe” në Letnicë

Me iniciativën e kryetarit të Komunës së Vitisë, Sokol Haliti, sot është mbajtur një takim …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara