Brickos

“Jetimat e Ballkanit” dhe Komuna e Malishevës nënshkruan marrëveshje për ndërtimin e pesë shtëpive

13/05/2019 Institucionet

Kryetari i Komunës së Malishevës, Ragip Begaj, ka nënshkruar një marrëveshje bashkëpunimi dhe bashkëfinancimi me udhëheqësin e Shoqatës Bamirëse “Jetimat e Ballkanit, Halil Kastratin, për ndërtimin edhe të pesë shtëpive për familjet me kushte të rënda ekonomike dhe sociale dhe të cilat kanë kushte minimale banimi. Bazuar në marrëveshjen e nënshkruar, Shoqata “Jetimat e Ballkanit”, do ta zbatojnë projektin e ndërtimit të shtëpive, sipas programit çelësat në dorë, ndërsa mjetet do të jenë në bashkëfinancim me komunën, ku Shoqata “Jetimat e Ballkanit”, marrin përsipër që të marrin pjesë me mjete në shumën prej 75 % ndërsa Komuna e Malishevës, me shumën prej 25 %. Ndërtimi i shtëpive, bazuar në marrëveshjen e nënshkruar, do të bëhet brenda vitit 2019. Kjo marrëveshje është bërë në kuadër të bashkëpunimit të mirë, në mes të Komunës së Malishevës dhe shoqatës bamirëse “Jetimat e Ballkanik” dhe është vazhdim i ndërtimit të përbashkët të shtëpive për familjet në nevojë, në Komunën e Malishevës. Kryetari i Komunës së Malishevës, Ragip Begaj, e ka falënderuar Halil Kastratin dhe shoqatën “Jetimat e Ballkanit”, për angazhimin e tyre, në ofrimin e ndihmës për rastet në nevojë, në Komunën e Malishevës.

Kontrolloni gjithashtu

1 maj 1990 – Kuvendi i Pajtimit te “Verrat e Llukës”

34 vite më parë, me 1 maj 1990 u mbajt Kuvendi Gjithëkombëtar i Pajtimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara