U ndanë edhe pjesa tjetër e rezervuarve, bimëve mjekuese aromatike dhe fidanëve të dredhëzës për fermerët vitias

06/06/2019 Institucionet

Në vazhdën e projektit të përbashkët mes Caritasit zviceran dhe Drejtorisë për Bujqësi, Pylltari dhe Zhvillim Rural në komunën e Vitisë, ka vazhduar realizimi i pjesës tjetër të këtij projekti, me ndarjen e rezervuarve të ujit, bimëve mjekuese aromatike dhe fidanëve të dredhëzës për fermerët e komunës së Vitisë. Përfitues të këtij donacioni ishin shtatë fermerë, të cilët kanë përfituar mbjelljen e këtyre bimëve në sipërfaqe prej 10 ari. Arton Elezi, ushtrues i detyrës së drejtorit të Bujqësisë, Pylltarisë dhe Zhvillimit Rural ka falënderuar Caritasin zviceran për gjithë bashkëpunimin që kanë pasur me Drejtorinë e tij. Aika njoftuar gjithashtu se janë 3 përfitues të bimëve mjekuese aromatike dhe 4 të fidanëve të dredhëzës. “Ky donacion është si pako e grantit në të cilën përfshihen edhe sistemi i ujitjes pikë pikë, rezervuar të ujit, foli e zezë, spërkatëse shpine, plehra minerale dhe organike, si dhe material mbrojtës kundër sëmundjeve të ndryshme dhe dëmtuesve”, ka thënë Elezi.

Kontrolloni gjithashtu

Gremja bëhet me kopsht të fëmijëve

Të vegjlit e fshatit Greme dhe të zonave përreth, tashmë kanë kopshtin e tyre për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara