Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Greqia nuk do të bllokojë ambiciet e Maqedonisë Veriore dhe Shqipërisë për hyrje në BE, por do të presë disa lëshime. Kështu shkruan gazeta greke “Kathimerini”, duke përcjellë pikëpamjet e analistëve politikë grekë. Sipas gazetës, Komisioni Evropian ka rekomanduar vendosjen e datave për fillimin e negociatave për anëtarësimin e të dy vendeve në BE dhe se Këshilli i BE-së do të vendosë përfundimisht për këtë çështje. Burime nga Zyra e kryeministrit grek, Kirikos Micotakis, i thanë ‘Kathimerini’-t se Greqia nuk do t’i thotë “jo” askujt, por do të vendosë kushtet e veta. Analistët vlerësojnë se një pozitë e tillë do të thotë se Athina do të kërkojë nga Shkupi respektin e rreptë për Marrëveshjen e Prespës. Kur është fjala për Shqipërinë, analistët vlerësojnë se Athina do të insistojë në respektimin më të madh të të drejtave të pjesëtarëve të pakicës greke, në përputhje me marrëveshjet dhe rregulloret ndërkombëtare./KP/.
