Uran Ismaili beson që Partia Demokratike të Kosovës do të del nga zgjedhjet 5 për qind më shumë se pozicioni i dytë

Kandidati për deputet të Kuvendit të Kosovës nga radhët e Partisë Demokratike të Kosovës, Uran Ismaili, ka thënë se subjekti i tij politik do t’i fitojë zgjedhjet e parakohshme të 6 tetorit. Ismaili ka thënë se PDK-ja i prin garës në ballafaqim me partitë e tjera. Ai ka kundërshtuar pohimet se Lidhja Demokratike e Kosovës është e para. “Askush nuk thotë që LDK është e para, përveç LDK-së. Ne jemi të parët. Me matematika elektorale”, ka deklaruar Ismaili. “Do të jemi mbi 5 për qind më shumë se pozicioni i dytë. Nga 5 deri në 7 për qind jemi larg vendit të dytë”, ka thënë ai.