leoni

Vajzat e SHFMU “Habib Berisha”, kampione regjionale në futsall

30/09/2019 Institucionet

Ekipi i futbollit të vogël në kategorinë e femrave, i Shkollës Fillore dhe të Mesme të Ulët “Habib Berisha” nga Gurbardhi i komunës së Malishevës, janë shpallur kampione në nivelin regjional dhe janë kualifikuar për në garat në nivel republike. Paraprakisht, ekipi i vajzave të kësaj shkolle, e ka zënë vendin e parë në garat komunale në Malishevë. Ekipi i vajzave në futboll të vogël, po marrin pjesë në garat në nivel republike, me synimin për të dalë mirë edhe në këtë nivel. Sporti në Komunën e Malishevës, në përgjithësi, është duke treguar rezultate të njëpasnjëshme, në veçanti në sportin shkollor, falë punës dhe përkushtimit të mësimdhënësve të edukatës fizike dhe kushteve të mira që u janë krijuar në të gjitha shkollat e Komunës së Malishevës. Në suksesin e ekipit të vajzave të kësaj shkolle, më meritore është mësuesja e edukatës fizike dhe atletja e njohur, Arbnore Berisha, e cila është duke treguar rezultate të mëdha në sportin e Malishevës, e po ashtu edhe në edukimin sportiv të nxënësve.

Kontrolloni gjithashtu

U mbajt akademi përkujtimore në nderim të heroit Abaz Thaçi dhe 10 dëshmorëve tjerë nga Drenica

Në Qendrën e Kulturës “Hasan Prishtina” në qytetin e Skenderajt është mbajtur akademi përkujtimore në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara