Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nën moton “Më përkrah Sot, që nesër të jem i pavarur” shoqata Down Syndrome Kosova (DSK), të hënën më 21 mars, nga ora 11:30, në Teatrin Kombëtarë, shënon Ditën Botërore të Personave të Prekur me Sindromën Down. Kjo ngjarje do të shënohet me program artistik, të interpretuar nga fëmijët e prekur me sindromën Down, përgatitur nga profesor Blerim Emerllahu si dhe shfaqjen e filmit dokumentarë për komunitetin e personave të prekur me sindromën Down, me regji të Blerdi Malushi. Ndërsa, DSK nga data 1 mars, ka filluar fushatën vendore për shënimin e ditës botërore të personave të prekur me sindromën Down. Gjatë kësaj fushate, komuniteti i personave të prekur me sindromën Down, kanë mbajtur aktivitete të ndryshme nëpër sheshet e Prishtinës si dhe në kuadër të DokuFest, në mbështetje të komunitetit të personave të prekur me sindromën Down, janë shfaqur katër filma vendorë në DokuKino. Gjithashtu, më datë 20 mars, të dielën me fillim nga ora 19:00, në përkrahje të kauzës së DSK-ës, në shtëpinë e kulturës në Prizren, do të mbahet koncert recital nga Petrit Çeku. Ky koncert është organizuar nga fondacioni “Lumbardhi”.
