Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioneri i BE-së, Dimitris Avramopolous gjatë muajit prill pritet të vizitojë Kosovën. Një gjë të tillë ai e ka paralajmëruar gjatë vizitës së tij të fundit në Tiranë. Komisioneri Avramopolous vlerëson se me përjashtim të prokurimit, Kosova ka shënuar përparim në pikat e tjera që janë vënë si kusht për liberalizimin e vizave. Ndonëse ekspertët pajtohen se Kosova i ka përmbushur shumicën e kushteve për heqjen e regjimit të vizave, rruga drejt cakut është ende e gjatë. Kosovës i duhet që të përqendrojë krejt kapacitetin e saj në lobim tek shtetet e BE-së për shkak se është Këshilli i BE-së, si organi kryesor që duhet ta miratojë raportin për liberalizimin e vizave, bashkërisht me Komisionin Evropian. Dihet se në Këshillin e BE-së dhe në Komisionin Evropian, ka edhe përfaqësues të pesë shteteve që nuk e kanë njohur pavarësinë e Kosovës.
