Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në takimin mes kryetarit Kuvendit të Kosovës, Kadri Veseli me Klaus Shlie, kryetar i Kuvendit të shtetit federal Shleswig-Holstain të Gjermanisë u diskutua çështja e thellimit të bashkëpunimit në mes të Kuvendit të Kosovës dhe Gjermanisë federale. Veseli, tha se bashkëpunimi i deritashëm me Gjermaninë ishte tejet i rëndësishëm për Kosovën, jo vetëm me rastin e rindërtimit të vendit, por edhe shtet-ndërtimit, mbështetjen e institucioneve, por edhe përkrahjen pa rezervë për Kosovën në skenën ndërkombëtare. Ai theksoi se Gjermania është shembull i zhvillimit ekonomik për neve si vend në tranzicion. Nga ana e tij, Klaus theksoi se është shumë i inkurajuar me punën që është bërë në Kosovë, jo vetëm në lëmin e sigurisë, por edhe në ngritjen e institucioneve demokratike, duke vënë në dukje domosdonë e zgjidhjes së çështjeve kontestuese me fqinjët nëpërmjet dialogut.
