TREGU NË RAHOVEC I GATSHËM PËR SHITJEN E PRODUKTEVE VENDORE

02/05/2020 Institucionet

Kryetari i komunës së Rahovecit Smajl Latifi, i shoqëruar nga drejtori i Bujqësisë Berat Duraku, kanë vizituar hapësirat e tregut pranë Shtëpisë së Verës (Konakut). Kryetari Latifi ka bërë të ditur, se tregu në afërsi të Shtëpisë së Verës (Konakut), është i gatshëm për hapje dhe Komuna e Rahovecit është duke pritur lejen përkatëse për zhvillimin e tregut në Rahovec, gjithmonë duke ju përmbajtur rekomandimeve të profesionistëve shëndetësorë. “Tregu si i tillë do të shërbente për shitjen e kulturave perimtare, bulmetit e shumë produkteve të tjera vendore të cilat prodhohen dhe përpunohen nga fermerët tanë. Situata e krijuar pas shfaqjes së pandemisë COVID-19, ka krijuar vështirësi të mëdha për plasimin e produkteve bujqësore në treg, e jona është të sigurojmë qasjen e nevojshme për shitjen e këtyre produkteve, pra sigurimin e hapësirës për treg. Kemi investuar vazhdueshëm dhe tani kemi hapësirë shumë të përshtatshme për produktet e fermerëve tanë! Po punojmë nga afër me organet kompetente të nivelit qendror dhe jemi në pritje të përgjigjes për hapjen e tregut. Ne jemi gati për hapje të tregut”,  ka thënë ndër të tjera Kryetari Latifi.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara